أسئله ترفع الضغط بس نحب نقولها

أسئله ترفع الضغط بس نحب نقولها

مثلا :-

انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص - اكيد بنام !!)

---------

انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!

----------

انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس)

-----------

انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع مويه) !! لا تعليق

--------------------

لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف على هالسؤال

------------------------

والأسخف من هالبديهيات اللي تضيع وقتنا إذا قابلو الاطفال , , ,

يقول المذيع للطفل :- أنت تحب ماما وبابا ! ! !

(( لا احبك إنت ووجهك)) سؤال غبي الصراحه !!

----------------

برنامج مسابقات على الهوا :-

المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
--------------------

يعني اسئله غبيه مثل هالاسئله ماشفت

يالله في أمان الله والله يحفظك من الأغبياء!

لحظة نسيت أسألك: قاعد تقرا الرسالة للحين؟؟

ج: لا قاعد أخيط نعالي!!
__________________

مع خالص حبي واحترامي

المحقق كونان

ههههههه
أسئلة لا إرادية

ثانكس على الطرح

هههههههه

والله انها أسئله ترفع الضغط الف بعد

ترى الانسان ساعات من زود اللقافه وحب الاطلاع على أعمال الغير يسأل مثل هالاسئله

تسلم على هالطرح خيو

هذهـ أشياء لا أراديهـ خيو

دمتـ بود

ههههههه...

الانساان له ردت فعل طبيعيه وهذا شي طبيعي,..

تسلم اخويه ع الموضوع

ههههههههههه

خلاصـ شيـ طبيعيـ نسألـ هالاسئلهـ ..

يسلموو عالطرحـ ~~ كونان ~~

وفيـ انتظار يديدكـ ..

ثانكس على الطرح